ත්‍රස්ත ප්‍රහාරයේ වාර්තා බාර නොදෙන්නේ නම් ජනාධිපති අපේක්ෂකයෝ මගේ ළඟට එන්න ඕනේ නෑ
පසුගිය පාස්තු ඉරිදා එල්ලවූ ත්‍රස්ත ප්‍රහාරයේ වාර්තා බාර නොදෙන්නේ නම් කිසිදු ජනාධිපතිවරණ අපේක්ෂකයෙකු තමා හමුවට පැමිණිය යුතු නොවන බව අගරදගුරු අති උතුම් මැල්කම් කාදිනල් රංජිත් හිමිපාණන් පවසයි.
අද(31) පෙරවරුවේ කොළඹ අගරදගුරු නිල නිවසේදී කාදිනල් හිමිපාණන් මේ බව සඳහන් කළේය.
පළමුව කල යුතු දේ කර පසුව ජනාධිපති අපේක්ෂකත්වය වෙනුවෙන් ඉදිරිපත් විය යුතු බවත්, අද වන විට මෙම ප්‍රහාරයේ බලපෑම සියලු දෙනාට අමතක වී ඇතැයි ද උන්වහන්සේ වැඩිදුරටත් පැවසීය.
මුළු රටම කම්පනයට පත් කරමින් සිදුවු පාස්කු ඉරිදා ප්‍රහාරයට අද වන විට මාස 3ක කාලයක් ඉක්ම ගොස් ඇතැයි ද පැවසු කාදිනල් හිමියන්, ඒ තුළින් ආර්ථිකය කඩා වැටුණු බව ද සඳහන් කළේය.
තුවාල ලැබූවන්, පවුල්වල සාමාජිකයින් අහිමිවුවන් වෙත ගොස් තමා හැකි අයුරුන් ඔවුන්ව සනසාලන්නට කටයුතු කල බවද පැවසු කාදිනල් හිමිපාණන්, ඔවුන්ට අවශ්‍යව ඇත්තේ වන්දි නොව යුක්තිය ඉටු කිරීම බවද සඳහන් කළේය.
මෙම කුරීරු ත්‍රස්තවාදී ප්‍රහාරය සංවිධානය කළ, එයට අනුග්‍රහය දැක්වු හෝ බුද්ධි තොරතුරු හිතා මතා නොසලකා හරිමින් සිටි හෝ කුමන හෝ ආකාරයකින් මෙයට සම්බන්ධ වුවන්ට අද වන තෙක් කිසිදු දඬුවමක් ලැබී නොමැති බවත් ඔවුන් නිදැල්ලේ සිටින බවත් පැවසු කාදිනල් හිමියන්, ආණ්ඩු පක්ෂය පමණක් නොව විරුද්ධ පක්ෂය හා සෙසු සියලු පක්ෂ ප්‍රහාරය ගැන සම්පූර්ණයෙන් වගකිව යුතු බවද පැවසීය.
මෙවැනි අවස්ථාවක බලාපොරොත්තු වන්නේ එකි නෙකා ලකුණු දා ගැනීම නොව සියලු දෙනා සහෝදරයන් මෙන් එක්ව සුදුසු ක්‍රියාමාර්ගයක් ගැනීම බවද සඳහන් කර සිටි කාදිනල් හිමියන්, එහෙත් ශක්තිමත් බලපෑමක් විරුද්ධ පක්ෂයෙන් නොලැබුණු බවද කියා සිටියේය.
මේ වන තෙක් ප්‍රහාරයන් ගැන කිසිදු වාර්තාවක් ජනතාව අතට ගොස් නැතැයි පැවසු කාදිනල් හිමිපාණන්, අපරාධකරුවන්ට අපක්ෂපාතී පුද්ගලයින්ගෙන් සමන්විත කොමිෂන් සභාවක් මඟින් දඬුවම් කර නොමැති බවත්, පවතින කොමිෂන් සභාවේ අපක්ෂපාතී බවක් හෝ විනිවිඳභාවයක් දක්නට නොලැබෙන බව ද පැවසීය.
එවැනි පසුබිමක් තුළ ස්වාධීන කොමිෂන් සභාවක් ප්‍රහාරය පිළිබඳ සොයා බැලීමට අත්‍යාවශ්‍ය බවත්, “අපිට ඕනේ මැතිවරණ නෙමෙයි, අපිට ඕනේ සත්‍යය“ යනුවෙන් ද කාදිනල් හිමියන් කියා සිටියේය.
ආණ්ඩු පක්ෂය හා සියලු දෙනා මෙම සිදුවීමත් රතු පලස මත සඟවා දැමීමට කටයුතු නොකර සියලු දෙනාට යුක්තිය ඉටු කරන ලෙස ඉල්ලා සිටි උන්වහන්සේ, රතුපස්වල සිදුවීම් වාර්තා පවා ජනතාව අතට පත්ව නොමැති බවත්, එනිසා එළඹෙන ජනාධිපතිවරණයේ දී ජනාධිපති ධූර අපේක්ෂකයෙක් සියලු දෙනාට තමා ළඟට නොඑන ලෙසත් පැවසීය.
මුදල් ලබා දී ඇඟ බේරා ගැනීමට නොහැකි බවත් පැවසු උන්වහන්සේ, ජනාතවගේ හා රටේ උන්නතිය වෙනුවෙන් තාවකාලික ප්‍රයෝජන ගැන නොසිතා ජනතාව අනාගතයේ තීරණ ගනු ඇතැයි අපේක්ෂා කරන බවද කියා සිටියේය.
තමා කිසිදු දේශපාලන පක්ෂයකට අයත් නොවන බවත්, ජනතා පරමාධිපත්‍ය වෙනුවෙන් සැමදා කැප වෙන බවත් පැවසු කාදිනල් හිමිපාණන්, ඇතැම් මාධ්‍ය තුළින් තමාව දේශපාලන අතකොළුවක් බවට පත් කර ගැනීමට උත්සහ ගන්නා බවත් සඳහන් කළේය.
තමාට පක්ෂයක් නොමැති බවත්, තමාට ඇත්තේ ජනතා පක්ෂයක් බවත් කාදිනල් හිමියන් වැඩිදුරටත් පැවසීය.
Cardinal Ranjith refuses to meet Presidential Candidates
Archbishop of Colombo, Malcolm Cardinal Ranjith, says that he will not meet any Presidential Candidates if the reports Easter Sunday terror attacks are not handed over.
Speaking at a press conference at the Bishop’s House in Colombo today (31), Cardinal Ranjith said that more than 3 months have passed since the terrorist attacks which shocked the entire nation and impacted the economy.
He stated that the victims and the people affected by these suicide bombings are still suffering and that he always tries to comfort them every way possible.
Cardinal Ranjith stated that they don’t want compensation and that what they seek is justice. He also charged that those who were behind the devastating attacks as well as those who knowingly ignored intelligence received in advance, are still roaming free without being punished.
Justice has still not been served on this matter, he said. Not only the ruling party, but the opposition is also completely responsible for these attacks, the Archbishop of Colombo vented.
He further stressed that what is expected at this hour is not for certain individuals to ‘gain points’ for themselves and that everyone should join together to take appropriate actions as brothers.
“However, there was no strong influence from the opposition,” he said, adding that so far no reports have been seen by the people.
He said that a commission comprised of unbiased individuals has still not punished those responsible and that there is no impartiality or transparency to be seen.
Cardinal Ranjith said that an independent commission is essential before talk about any elections. “We don’t want elections. We want the truth.”
“There is no need for presidential candidates to come see me during the upcoming presidential election.”
He urged the county’s politicians to first do what must be done and warned that they cannot save themselves by handing out money.
Cardinal Ranjith also said that certain media try to place ‘labels’ of political parties on him, and he requested them not to turn him into a ‘political paw’.
“I don’t have a party. I only have my people,” he said.
More than 250 people were killed and 500 others sustained injuries when multiple coordinated explosions, carried out by local jihadist group National Thowheeth Jamaath (NTJ) linked to the Islamic State (IS), rocked three luxury hotels and three churches on April 21, this year.
The head of Sri Lankan Roman Catholic Church has previously called for the government to step down due to its alleged failure to prevent Easter Sunday bombings.
Source: Adaderana